Home Lajme Kurti sot nuk takon as Thaçin as Mustafën

Kurti sot nuk takon as Thaçin as Mustafën

2 min read
0
0
53
kujtesa

Kryetari i Lëvizjes Vetëvendosje, njëherësh kandidat për Kryeministër nga ky subjekt politik Albin Kurti, as sot nuk do ta takojë presidentin Hashim Thaçi dhe as Kryetarin e LDK-së, Isa Mustafa.

Lajmin e ka bërë të ditur zëdhënësi i Lëvizjes Vetëvendosje  Arlind  Manxhuka.

“Sot nuk është planifikuar takim i z.Kurti  as me presidentin Thaçi as me z.Mustafa. Nuk është planifikuar takim”, deklaroi Manxhuka për ‘RADIO 1’.

Ndryshe Albin Kurti mbrëmë pas dy ftesave nga presidenti Thaçi për takim, të cilat i refuzoi, u pa në koktejin e fundvitit të Lëvizjes ‘Vetëvendosje’ prej nga foli për mos realizimin e takimeve me Thaçin.

“Kam marrë sot dy ftesa, por agjenda e krerëve të shtetit është shumë e ngjeshur. Prandaj nuk mund të takohemi ashtu, përveç kur ka ndonjë fatkeqësi ose ndonjë urgjencë tjetër”, ka thënë Kurti mbrëmë.

Kurti ka shtuar se sigurisht që do të takohet me Thaçin, por që paraprakisht ka potencuar se do të shqyrtojë nenet që janë përmendur.

“Kam qenë në Shkup dhe unë nuk e kam agjendën sot për sot”, ka thënë ai./RADIO 1/

Load More Related Articles
Load More By Vicianapress
Load More In Lajme

Leave a Reply

Your email address will not be published. Required fields are marked *

Check Also

Inter – Liverpool: Statistika, analizë, formacionet e mundshme dhe parashikim

5 min Interi dhe Liverpooli do të luajnë mes vete në ndeshjen e zjarrtë të vlefshme për fa…