Home Lajme AGK dënon kërcënimin e drejtorit të Kulturës në Skenderaj, Ramiz Shala, ndaj gazetarit Kajtaz Gecaj

AGK dënon kërcënimin e drejtorit të Kulturës në Skenderaj, Ramiz Shala, ndaj gazetarit Kajtaz Gecaj

2 min read
0
0
48
kujtesa

Asociacioni i Gazetarëve të Kosovës me shqetësim e ka pranuar informatën se drejtori i Drejtorisë së Kulturës në Skenderaj, Ramiz Shala e ka kërcënuar me sulm fizik korrespondentin e gazetës “Zëri”, Kajtaz Gecaj.

Sipas gazetarit Gecaj, kërcënimi ka ndodhur pas artikullit të publikuar “Sivjet Komuna e Skenderajt pagoi katër portale, asnjëri lokal.”

“Para pak çasteve, Ramiz Shala, drejtor i Kulturës më ka kërcënuar se do të më sulmojë fizikisht nëse edhe njëherë ia përmendi emrin në gazetë, edhe pse emrin ia ka përmendur kolegu i tij, Kastriot Gashi. Bile tha se ‘tash të kisha bë tokë veç e kam mik të mirë djalin tënd’”, ka shkruar Gecaj në rrjetin social Facebook.

Për më tepër, ky i fundit është kërcënuar se do të dëbohet nga zyra e tij.

“Ai gjithashtu me kërcënoi do të më dëbojë nga zyra në objektin e ish-TMK-së..” – thuhet në postimin e Gecajt.

AGK e fton drejtorin Shala të distancohet nga kjo qasje e patolerueshme dhe në rast se ka pretendime ndaj shkrimeve të realizuara nga Gecaj, t’i ndjek rrugët ligjore dhe assesi të mos përdorë gjuhë kërcënuese ndaj gazetarit.

AGK inkurajon gazetarët që të mos zmbrapsen nga kërcënimet e tilla, ndërsa rastet e pengimit në punën e tyre profesionale t’i lajmërojnë gjithsesi edhe në polici.

Load More Related Articles
Load More By Vicianapress
Load More In Lajme

Leave a Reply

Your email address will not be published. Required fields are marked *

Check Also

Inter – Liverpool: Statistika, analizë, formacionet e mundshme dhe parashikim

5 min Interi dhe Liverpooli do të luajnë mes vete në ndeshjen e zjarrtë të vlefshme për fa…