Home Lajme Qeveria e re ta ketë prioritet agjendën evropiane

Qeveria e re ta ketë prioritet agjendën evropiane

3 min read
0
0
32
kujtesa

Në rrugën integruese për në Bashkimin Evropian (BE), Kosova në krahasim me vendet e tjera të Ballkanit Perëndimor është e fundit, pasi nuk ka aplikuar ende as për statusin e vendit kandidat.

“Mungesa e vullnetit politik ka bërë që vendi të ngec sa i përket përmbushjes së kushteve të dala nga marrëveshjet me BE-në”, thotë Demush Shaha, nga Instituti EKPIK.

Ish-sekretari i ministrisë së Integrimit Evropian, thotë se institucionet nuk kanë shënuar progres në zbatimin e obligimeve të marra nga BE-ja.

“Në këtë drejtim perspektiva evropiane e Kosovës ka pasur një ngecje viteve të fundit nga dy aspekte, aspekti i parë është mungesa e vullnetit politik të institucioneve tona të Qeverisë për të ndërmarrë reforma në rrugën tonë integruese dhe kur e themi këtë mund ta dëshmojë duke e shikuar së paku dy dokumente kryesore Programi Kombëtar për Zbatimin MSA-së dhe Agjenda Evropiane e Reformave”, tha Shasha për EkonomiaOnline.

“Në këto dy dokumente sipas vet institucioneve vetëm 2/3 janë zbatuar që i bie 1/3 nuk është zbatuar fare, ndërsa të agjenda e reformave vetëm 5 nga 22 prioritet u përmbushën. Arsyeja kryesore është mungesa e vullnetit politik për të avancuar në fushat sikurse sundimi i ligjit, reforma në administratë publike dhe sektorët e tjerë”.

Në këtë aspekt ai thotë se kanë ndikuar edhe problemet e brendshme të BE-së.

“Nëse i analizojmë këto dy pengesa kryesore në rrugën tonë për të ndërmarrë reformat evropiane mund të konkludojmë mungesa e vullnetit politik është pengesë kryesore. Tani aspekti i dytë është ato problemet e brendshme të BE-së ku po kalon nëpër një proces evolutiv ku disa vende kanë këndvështrime të ndryshme se si duhet të shkojë zgjerimi përpara”, tha ai.

Load More Related Articles
Load More By Vicianapress
Load More In Lajme

Leave a Reply

Your email address will not be published. Required fields are marked *

Check Also

Inter – Liverpool: Statistika, analizë, formacionet e mundshme dhe parashikim

5 min Interi dhe Liverpooli do të luajnë mes vete në ndeshjen e zjarrtë të vlefshme për fa…