Home Lajme Gjermanisë i nevojiten rreth 400 mijë migrantë në vit deri në vitin 2060 – për të shmangur tkurrjen e ekonomisë

Gjermanisë i nevojiten rreth 400 mijë migrantë në vit deri në vitin 2060 – për të shmangur tkurrjen e ekonomisë

3 min read
0
0
41
kujtesa

Deri në vitin 2040, rreth 35% e popullsisë së Gjermanisë do të kenë një prejardhje migrante ose do të jenë vetë migrant, sipas një eksperti gjerman të migracionit.

Herbert Brücker, i cili drejton departamentin e kërkimit të migracionit në Institutin Federal për Kërkime të Punësimit (IAB), ka thënë të hënën për Welt se Gjermania “do të bëhet më e larmishme”.

“Aktualisht, rreth një e katërta e njerëzve në Gjermani kanë një prapavijë migruese”, tha Brücker. “Në 20 vjet, do të jetë së paku 35%, por gjithashtu mund të jetë më shumë se 40%”.

Ai vuri në dukje se në qytete, kjo shifër ka të ngjarë të jetë më e lartë, shkruan Deutsche Welle, përcjell Telegrafi.

“Ajo që ne shohim sot në qytetet e mëdha do të jetë normale për vendin në tërësi në të ardhmen”, tha Brücker. “Në një qytet si Frankfurti, do të kemi midis 65% deri 70%”.

Duhen më shumë migrantë

Ekonomisti gjerman tha se një popullsi gjithnjë e më e ndryshme do të jetë thelbësore për sigurinë e ekonomisë së Gjermanisë në të ardhmen.

Madje, sipas Deutsche Welle, shifrat e IAB sugjerojnë që Gjermanisë i nevojiten rreth 400,000 migrantë në vit deri në vitin 2060 për të shmangur tkurrjen e ekonomisë.

Sidoqoftë, sfida për Gjermaninë është të vazhdojë të tërheqë migrantë shumë të aftë në vend.

Brücker tha se Gjermania do të duhet të hapet për vendet e tjera pasi baza e punës nga vendet e Evropës Jugore dhe Lindore është “e lodhur”.

Një studim i publikuar muajin e kaluar sugjeroi që fëmijët me prejardhje migrante të cilët marrin një pasaportë gjermane në fillim të jetës priren të kenë mundësi të rritjes së mundësive për arsim të lartë. /Telegrafi/

Load More Related Articles
Load More By Vicianapress
Load More In Lajme

Leave a Reply

Your email address will not be published. Required fields are marked *

Check Also

Inter – Liverpool: Statistika, analizë, formacionet e mundshme dhe parashikim

5 min Interi dhe Liverpooli do të luajnë mes vete në ndeshjen e zjarrtë të vlefshme për fa…