Home Sport Mbyllet derbi i ‘çmendur’ me dhjetë gola: Liverpooli eliminon Arsenalin nga Carabao Cup

Mbyllet derbi i ‘çmendur’ me dhjetë gola: Liverpooli eliminon Arsenalin nga Carabao Cup

3 min read
0
0
38
Liverpool vs Arsenal (Foto: Laurence Griffiths/Getty Images/Guliver)

Liverpool vs Arsenal (Foto: Laurence Griffiths/Getty Images/Guliver)

Liverpooli e ka eliminuar Arsenalin nga 1/8 e finales së Carabao Cup me anë të gjuajtjes së penalltive, pasi koha e rregullt përfundoi me rezultat 5-5.

Pas vetëm gjashtë minutash lojë në ‘Anfield Road’, Shkodran Mustafi i kaloi The Reds në epërsi, pasi e futi topin në rrjetën e tij.

Por, The Gunners u këndellën shpejtë dhe i barazuan shifrat në 1-1 me anë të Lucas Torreiras (19’).

Liverpool vs Arsenal (Foto: Laurence Griffiths/Getty Images/Guliver)

Skuadra nga veriu i Londrës më pas e përmbysi rezultatin me golin e shënuar nga Martinelli që shënoi në minutën e 26-të.

Mesfushori brazilian ishte teje i disponuar për lojë, pasi shënoi edhe golin e tretët dhe të dytin personal në ndeshje në të 36-në minutë.

Liverpool vs Arsenal (Foto: Laurence Griffiths/Getty Images/Guliver)

Para se të mbyllej pjesa e parë, The Reds e ngushtuan epërsinë e Arsenalit me penalltinë e realizuar nga James Milner (43’).

Pjesa e dytë filloi më mirë nga mysafirët që e thelluan epërsinë me golin e Ainsley Maitland-Niles (54’), pas një gabimi që bëri kapiteni i Liverpoolit.

Liverpool vs Arsenal (Foto: Laurence Griffiths/Getty Images/Guliver)

Ishte minuta e 58-të kur Adam Lallana asistoi për Alex Oxlade-Chamberlain që shënoi nga distanca një gol të bukur për 4-3.

Divock Origi (62’) u shërbye mjaftë mirë nga Curtis Jones, për t’i barazuar shifrat në 4-4, por që londinezët ishin më kërkues.

Liverpool vs Arsenal (Foto: Laurence Griffiths/Getty Images/Guliver)

Arsenali arriti që ta rikthente epërsinë me anë të James Willock në minutën e 70-të, nga asistimi i Mattia Guendouzit, mirëpo vendasit i barazuan përsëri shifrat me golin e Origit (90’+4) që ishte i dyti për të në këtë takim.

Ndeshja më pas shkoi në gjuajtjen e penalltive, gjersa Liverpooli ishte më i saktë nga pika e bardhë, duke shënuar pesë, për dallim nga Arsenali që shënoi katër. /Telegrafi/

Load More Related Articles
Load More By Vicianapress
Load More In Sport

Leave a Reply

Your email address will not be published. Required fields are marked *

Check Also

Sonte nga ora 20.00 Fillon Rivaliteti Televiziv për kryetar të Vushtrrisë

19/09/2021 | 09:50 Sonte nga 20.00 në Kanal 10 në emisionin Prime Time do të zhvillohet de…